Media Holding

"BİZİM ƏSR" (arxiv)

"Bizim ƏSR" qəzetinin ilk sayı 1999-cu il mayın 5-də işıq üzü görmüşdür. İlkin mərhələdə həftədə iki dəfə olmaqla 16 səhifə həcmində çıxan qəzet bir neçə aydan sonra dövriyyəsini artırmış və həmin ilin oktyabr ayının 1-dən həftədə üç dəfəyə keçmişdir.
Qəzet səhifələrində həm respublikamızda, həm də bütövlükdə dünyada baş verən siyasi, ictimai hadisələrə, əhalinin sosial-iqtisadi durumuna, mədəniyyət qurumlarına və onların fəaliyyətinə, şou-biznesə, idmana aid xəbərlər və əsaslı məqalələr yerləşdirmiş, oxucu auditoriyasının maraq dairəsini öyrənməyə və əhatələməyə çalışmış, yeni və rəngarəng rubrikalar açmışdır. Oxucu təlabatını lazımınca ödəmək üçün bu müddət ərzində "Bizim ƏSR" öz potensialından istifadə etmişdir.
2001-ci ilin 1 sentyabrından isə "Bizim Əsr" dövriyyəsini bir qədər də genişləndirmiş və gündəlik nəşrə keçmişdir. Qəzet səkkiz səhifə həcmində həftədə 6 dəfə nəşr olunmaqla eyni zamanda formatını dəyişmiş, sanbalını, səviyyəsini artıraraq, yeni dizayn və yeni rubrikalarla oxucuların görüşünə gəlmişdir. Qəzet 2004-cü ildə fəaliyyətini dayandırmışdır.